Ўзбекистон Республикасининг 2017 йил 25 августда қабул қилинган “Ўзбекистон Республикаси ёшлари кунини белгилаш тўғрисида”ги Қонунига мувофиқ 30 июнь — Ўзбекистон Республикаси ёшлари куни этиб белгиланган.
Бугун Қорақалпоғистоннинг 3 та туманида электр энергиясида узилишлар кузатилиши мумкинлиги ҳақида kun.uz ахборот сайтининг “Қорақалпоғистон | Kun.uz” телеграм каналида хабар эълон қилинган эди.
Ўзбекистон Республикаси Президентининг 2020 йил 28 декабрдаги ПҚ–4937-сон қарори ҳамда Ўзбекистон Республикаси Президентининг 2020 йил 29 июлдаги “Тошкент шаҳри ва Тошкент вилоятида электр энергияси таъминоти барқарорлигини янада ошириш чора-тадбирлари тўғрисида”ги ПҚ-4791-сон қарорлари ижроси юзасида амалга оширилаётган инвестиция лойиҳасининг техник иқтисодий асослари (ТИА) “McKinsey & Company” консалтинг компанияси томонидан ўрганиб чиқилиб, ўрганишлар хулосасига асосан тайёрланган ҳисобот Акциядорлик жамияти раҳбариятига тақдим этилмоқда.
2021 йил 27-30 июнь кунлари "Навоий кон-металлургия комбинати" ҳамда "Иссиқлик электр станциялари" АЖ ташаббуси билан "Ёшлар ойлиги" тадбирлари доирасида "Биргаликда биз бир кучмиз" халқаро ёшлар форуми Навоий вилоятининг "Сармишсой" қадимги манзилгоҳ дарасида ташкил этилди.
“Ўзкимёсаноат” АЖ Матбуот хизматининг хабар беришича, жорий йилнинг 28 июнь куни соат 16:57да “Ўзбекистон МЭТ” АЖнинг “Химия” подстанциясида қисқа туташув сабаб “НАВОИЙ ҲЭТК” АЖга қарашли 110 кВли электр тармоғида ўчиш содир бўлиб, “Ўзкимёсаноат” АЖ тизимидаги “Навоийазот” АЖ ишлаб чиқариш объектларида электр энергияси узилиши кузатилган. Бунинг натижасида корхонада азотли ўғитлар ишлаб чиқариш ҳажмларининг камайиши ва бошқа ноқулайликлар келиб чиққан. Қисқа муддатдан сўнг ишлаб чиқариш цехларида иш фаолияти босқичма-босқич қайта тикланган.
Айни дақиқаларда видеоалоқа шаклида Марказий Осиё Энергетика Кенгашининг 35-сонли йиғилиши бўлиб ўтмоқда. Унда минтақа энерготизимидаги истиқболли вазифалар ва мавжуд муаммолар таҳлил этилмоқда. Йиғилишда «Ўзбекистон МЭТ» АЖ бошқарув раисининг биринчи ўринбосари С.Артиков, Тизим хизматлари бўйича бош бошқарма бошлиғи А.Мирзаев ҳамда Халқаро алоқалар ва шартномалар бўлими бошлиғи Б.Каримовлар иштирок этмоқда.
«Ўзбекистон МЭТ» АЖнинг расмий веб-сайти: uzbekistonmet.uz ва унинг ижтимоий тармоқдаги саҳифалари (Telegram, Facebook, Twitter, Instagram, Utube, Youtube) барқарор фаолият юритмоқда. Ижтимоий тармоқларда Жамият фаолиятига тегишли масалаларга зудлик билан муносабат билдирилиб, тегишли тартибда таҳлилий мақола, баёнот, хабар ва маълумотлар эълон қилинмоқда. Шунингдек, Акциядорлик жамияти томонидан амалга оширилаётган модернизация-реконструкция, қурилиш-монтаж ишлари, инвестицион лойиҳаларнинг бажарилиши, ижтимоий-иқтисодий, маънавий-маърифий йўналишдаги амалиётлар кенг жамоатчилик эътиборига ҳавола этиб борилмоқда.
Жаҳон Банки директорлар Кенгаши магистрал электр тармоқ подстанцияларини модернизация қилиш ва тизим фаолиятини рақамлаштириш бўйича йирик инвестиция лойиҳасини амалга ошириш учун 380 млн. АҚШ доллари миқдорида кредит ажратилишини маъқуллади
“Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги Президент Фармони (ПФ–6247-сон, 16.06.2021 й.) қабул қилинди.
Ёшлар ишлари агентлиги, Инновацион ривожланиш вазирлиги, IT-парк ва Президентнинг 5та ташаббуси лойиҳа офиси томонидан ташкил этилаётган республика танловида сиз ҳам мамлакат ривожига хизмат қиладиган ғоя ва таклифларингиз билан иштирок этинг.
Қадрли дўстлар! Аввало, сиз, азизларни, соҳанинг муҳтарам фахрийларини Матбуот ва оммавий ахборот воситалари ходимлари куни билан самимий муборакбод этиб, барчангизга ўзимнинг юксак ҳурматим ва эзгу тилакларимни билдиришдан мамнунман.
Мамлакатимизда ишлаб чиқарилаётган электр энергиясининг қарийб 85-90 фоизи кўмир, табиий газ ва бошқа нефть маҳсулотлари ҳиссасига тўғри келади. Бунда “Яшил энергия”нинг улуши 10-14 фоиздир.
Аввал хабар берганимиздек, 2021 йил 24 июнь куни «Сурхондарё магистрал электр тармоқлари» филиалида Сурхондарё вилояти ҳокимияти, вилоят Миллий гвардияси Қўриқлаш бошқармаси, Фавқулодда вазиятлар бошқармаси ҳамда бошқа ташкилот ва тузилмалардан вакиллар иштирокида семинар, бугун, 25 июнь куни эса 500 кВ кучланишли «Сурхон» подстанциясида махсус тактик-ўқув машқлари ўтказилди.
Президент Шавкат Мирзиёев раислигида 24 июнь куни инвестиция ва экспорт соҳаларидаги ишлар натижадорлиги, йил якунигача амалга оширилиши лозим бўлган устувор вазифалар муҳокамасига бағишланган видеоселектор йиғилиши ўтказилди.
Аввал хабар берганимиздек, бугун, 24 июнь куни “Сурхондарё магистрал электр тармоқлари” филиалида муҳим объектларда хизмат қилаётган ҳарбий хизматчиларнинг билим-малакасини ошириш, ҳарбий тайёргарлик даражасини юксалтириш, саноат ва ёнғин хавфсизлиги масалаларига бағишланган семинар ўз ишини бошлади.
Жорий йилнинг 23 июнь куни Ўзбекистон ва Германия ўртасида энергетика соҳасидаги янги лойиҳалар бўйича ҳамкорликни ривожлантириш масалалари онлайн тарзда ўтказилган “Энергетика форуми” давомида муҳокама қилинди.
Айни пайтда пойтахтнинг «International Hotel Tashkent» мажмуасида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан ташкил этилган «Ахборот хизматлари фаолияти: очиқлик, тезкорлик ва холислик — бош мезон» мавзусида миллий конференция ўз ишини бошлади.
Маълумки, «Ўзбекистон миллий электр тармоқлари» АЖ тасарруфидаги 84 та юқори кучланишли подстанциялар ичида 7 та 500 кВ кучланишли подстанциялар мавжуд.
...Сотиш тақиқланган Биласизми, 2017 йилдан Ўзбекистон Республикаси ҳудудида 40 Втдан юқори бўлган чўғланма лампаларни сотиш тўхтатилган. Аммо ҳозир ҳам бозор расталарида улар сотилмоқда... Аниқроғи, Ўзбекистонда 2016 йил 1 июлдан қуввати 40 Втдан юқори бўлган чўғланма лампаларни эркин муомалага чиқариш, 2017 йил 1 январдан эса сотиш тақиқланган. Бу Вазирлар Маҳкамасининг 20 октябрдаги қарорида кўзда тутилган эди.
Ўзбекистон Республикаси Президентининг 2020 йил 28 декабрдаги ПҚ–4937-сонли “Ўзбекистон Республикасининг 2021–2023 йилларга мўлжалланган Инвестиция дастурини амалга ошириш чора-тадбирлари тўғрисида”ги қарорига асосан 2021 йил давомида “Ўзбекистон МЭТ” АЖ томонидан Давлат кафолати остидаги ташқи қарзи маблағлари иштирокида умумий қиймати 601,7 млн. АҚШ доллари ҳисобида бўлган 5 та йирик инвестиция лойиҳалари амалга оширилмоқда.