⚡️"Наманган магистрал электр тармоқлари" филиали таркибидаги 220/110/10 кВ кучланишли «Сардор» подстанциясига Жаҳон банкининг Марказий Осиё минтақаси бўйича раҳбари жаноб Нажи Бенхасин ташриф буюрди.

Бу ташриф "Магистрал тармоқ подстанцияларини модернизация ва реконструкция қилиш (Фаза-1)" инвестиция лойиҳаси доирасида ташкил этилди. Ушбу лойиҳа Ўзбекистон Республикаси Президентининг 2017 йил 16 сентябрдаги ПҚ–3284-сонли қарорига мувофиқ олиб борилмоқда.

Лойиҳани "Ўзбекистон миллий электр тармоқлари" АЖ Жаҳон банки маблағлари ҳисобидан молиялаштирмоқда.

Асосий мақсад — Ўзбекистоннинг электр энергиясини узатиш тизимининг ишончлилиги ва мустаҳкамлигини ошириш, шу билан бирга, эскирган подстанцияларни замонавий электр ускуна ва жиҳозлар билан таъминлаб, энергетика объектини халқаро техник-муҳандислик меъёрларга мос равишда янгилашдан иборат.

Модернизация ишлари билан танишув

► Ташриф чоғъида Жаҳон банки Марказий Осиё минтақаси бўйича раҳбари лойиҳа доирасида бажарилган қурилиш ва ўрнатиш ишларини, янги ўрнатилган трансформаторлар, илғор электр жиҳозлари ва рақамли бошқарув тизимларининг фаолиятини бевосита кўздан кечирди.

► Мутахассислар эса амалга оширилаётган техник янгиланиш ишлари, сифатни назорат қилиш усуллари ва эксплуатация жараёнлари ҳақида атрофлича маълумотларни тақдим этдилар.

✅ Натижа ва хулоса

Ташриф якунида Жаҳон банки вакили амалга оширилган ишларнинг сифатига ва лойиҳа ижросининг ташкилий даражасига юқори баҳо берди. Бу учрашув ПҚ–3284-сонли қарорга асосан бошланган лойиҳанинг амалда муваффақиятли кетаётгани ва халқаро молия институтлари билан ҳамкорлик Ўзбекистон энергетика соҳасининг барқарор ривожланишига хизмат қилаётганини яна бир бор тасдиқлади. 

‖ Facebook ‖ Инстаграм ‖ YouTube ‖

«Ўзбекистон МЭТ» АЖ Ахборот хизмати 

http://t.me/uzmetaxborotxizmati 

❗️ “Наманган магистрал электр тармоқлари” филиали

телеграм каналига обуна бўлинг! 

https://t.me/NamanganMET_Axborot