⚡️ Аввал хабар берганимиздек, «Ўзбекистон МЭТ» АЖ тасарруфидаги магистрал электр тармоқлари филиаллари томонидан назорат кўриклари давомида аниқланган камчиликлар бартараф этилиб, таъмирлаш-созлаш ишлари амалга оширилмоқда.

Эътиборингизга ҳавола этилаётган суратларда «Самарқанд магистрал электр тармоқлари» филиали мутахассисларининг 220–500 кВ кучланишли электр тармоқларида назорат кўригида аниқланган камчиликларни бартараф этиш ишлари акс этган.

Мисол учун, мутахассислар таянч устунларининг носоз ҳолга келган таркибий элементларини, жумладан, қушлар қўнишига қарши мосламалари созлигини текшириб, металл конструкцияли устунларни мустаҳкамлаш ишларини давом эттиришмоқда. Шикастланган изоляторлар алмаштирилмоқда.

⚡️Шунингдек, мутахассислар 220 кВ кучланишли, техник-муҳандислик номи Л-Б-Ч бўлган электр тармоғида 45 дона қушлар қўнишига қарши мосламалар ўрнатиб, цинган изоляторларни алмаштиришди.

Бундан ташқари, линияларнинг контакт бирикмалари тепловизор кўригидан ўтказилиб, чақмоққайтаргич трослар ҳамда контур ерлагичлар ҳолати текширилмоқда.

Эслатиб ўтамиз, “Ўзбекистон миллий электр тармоқлари” акциядорлик жамияти генерация жараёнида ҳосил бўлган электр энергиясини магистрал линиялар орқали тақсимловчи тармоқларга узатиш, яъни етказиб бериш билан шуғулланади.

Facebook ♦ Инстаграм  ♦ YouTube 

«Ўзбекистон МЭТ» АЖ Ахборот хизмати
http://t.me/uzmetaxborotxizmati