⚡️ Avval xabar berganimizdek, «O‘zbekiston MET» AJ tasarrufidagi magistral elektr tarmoqlari filiallari tomonidan nazorat ko‘riklari davomida aniqlangan kamchiliklar bartaraf etilib, ta’mirlash-sozlash ishlari amalga oshirilmoqda.

E’tiboringizga havola etilayotgan suratlarda «Samarqand magistral elektr tarmoqlari» filiali mutaxassislarining 220–500 kV kuchlanishli elektr tarmoqlarida nazorat ko‘rigida aniqlangan kamchiliklarni bartaraf etish ishlari aks etgan.

Misol uchun, mutaxassislar tayanch ustunlarining nosoz holga kelgan tarkibiy elementlarini, jumladan, qushlar qo‘nishiga qarshi moslamalari sozligini tekshirib, metall konstruksiyali ustunlarni mustahkamlash ishlarini davom ettirishmoqda. Shikastlangan izolyatorlar almashtirilmoqda.

⚡️Shuningdek, mutaxassislar 220 kV kuchlanishli, texnik-muhandislik nomi L-B-Ch bo’lgan elektr tarmog’ida 45 dona qushlar qo’nishiga qarshi moslamalar o’rnatib, singan izolyatorlarni almashtirishdi.

Bundan tashqari, liniyalarning kontakt birikmalari teplovizor ko‘rigidan o‘tkazilib, chaqmoqqaytargich troslar hamda kontur yerlagichlar holati tekshirilmoqda.

Eslatib o‘tamiz, “O‘zbekiston milliy elektr tarmoqlari” aksiyadorlik jamiyati generatsiya jarayonida hosil bo‘lgan elektr energiyasini magistral liniyalar orqali taqsimlovchi tarmoqlarga uzatish, yaʼni yetkazib berish bilan shug‘ullanadi.

Facebook ♦ Instagram  ♦ YouTube 

«O‘zbekiston MET» AJ Axborot xizmati
http://t.me/uzmetaxborotxizmati