Ижтимоий тармоқларда “Янги ҳаёт туманидаги қатор ҳудудларда 10 кун электр бўлмайди” мазмунида тарқалган хабарга аниқлик киритамиз.

Айни вақтда «Ўзгариш» подстанциясида модернизация ва реконструкция ишлари олиб борилмоқда. Мазкур ишлар доирасида подстанциядаги Т-2 трансформатори замонавий янги трансформаторга алмаштирилади.

Таъмирлаш ишлари давомида истеъмолчиларни электр энергияси билан таъминлашда узилишларга йўл қўймаслик мақсадида юклама Т-1 трансформаторига ўтказилади. Шу сабабли, режалаштирилган ишлар туфайли истеъмолчиларда “10 кун давомида электр энергияси бўлмайди” деган маълумот нотўғри.

⚠️ Шу билан бирга, юклама миқдори техник жиҳатдан рухсат этилган чегарадан ошиб кетган тақдирда, тармоқнинг барқарор ва хавфсиз ишлашини таъминлаш мақсадида қисқа муддатли чекловлар жорий этилиши мумкин.

♦ Модернизация ишлари якунлангач, подстанциянинг ишончлилиги ва электр таъминоти барқарорлиги янада оширилади.
 

♦АХБОРОТ ХИЗМАТИ