«Самарқанд магистрал электр тармоқлари» филиали мутахассислари томонидан 110 кВ кучланишли подстанцияларнинг техник ҳолатини яхшилаш бўйича профилактика ишлари амалга оширилмоқда. Мисол учун:

⚙️ 110/35/6 кВ кучланишли «Дўстлик» подстанциясининг В-Озода чиқиш тармоғида аниқланган носозлик бартараф этилди. Шунингдек, мазкур энергетика объектининг СШ-35-1 тақсимловчи қурилмасида жорий таъмирлаш ишлари амалга оширилди. Ускуналар техник кўрикдан ўтказилди, контактлар тозаланди, маҳкамлаш қисмлари мустаҳкамланди ҳамда электр ҳимоя тизимининг ишончлилиги синовдан ўтказилди.

⚙️ 110/35/6 кВ кучланишли «Шимолий» подстанциясида ВП-110 қурилмасининг монтаж ва созлаш ишлари амалга оширилди. Шунингдек, қурилма элигаз билан меъёрида тўлдирилди.

⚡️ Ушбу техник профилактика ишлари электр энергиясини узлуксиз ва барқарор етказиб беришни таъминлаш, авариявий ҳолатларнинг олдини олиш ҳамда ускуналарнинг самарали ишлашини қўллаб-қувватлаш мақсадида бажарилди.

⇒ Барча техник ишлар хавфсизлик техникаси қоидаларига қатъий риоя қилинган ҳолда олиб борилди. 

‖ Facebook ‖ Инстаграм ‖ YouTube ‖

«Ўзбекистон МЭТ» АЖ Ахборот хизмати 

http://t.me/uzmetaxborotxizmati 

❗️ «САМАРҚАНД МАГИСТРАЛ ЭЛEКТР ТАРМОҚЛАРИ» ФИЛИАЛИ 

https://t.me/SamarqandMET_Axborot