© «ҚАРАҚАЛПАҚСТАН–МТРК» ТEЛEКАНАЛИ

Қорақалпоғистон Республикаси Хўжайли тумани ҳокимиятининг расмий мурожаатига асосан «Ўзбекистон миллий электр тармоқлари» акциядорлик жамияти томонидан Рамазон Ҳайити байрами арафасида Хайрия акцияси ўтказилди.

Кам таъминланган, ногирон ҳамда боқувчисини йўқотган фуқароларга, ижтимоий ҳимояга муҳтож 30 та оилага ҳомийлик маблағлари ҳисобидан биринчи эҳтиёж рўйхатидаги озиқ-овқат (ун, ёғ, тухум, гуруч, мош, макарон, чой ва байрам ширинликлар) маҳсулотлар тарқатилди.

⚡️ Шунингдек, энергетика соҳасида фаолият юритган меҳнат нафақасидаги фахрийлари ҳолидан хабар олинди.

Эслатиб ўтамиз, Ўзбекистон Республикаси Президентининг Ф–18-сонли фармойиши ижроси юзасидан "долзарб бир ойлик" сафарбарлигида камбағал оилалар билан манзилли ишлаш, ободонлашририш ва кўкаламзорлаштириш ишлари олиб борилган эди.

«Ўзбекистон МЭТ» АЖ Ахборот хизмати