Ўзбекистон, Озарбайжон ва Қозоғистон етакчилари яшил энергияни ривожлантириш ва узатиш лойиҳасини ишга туширдилар. СОП29 саммити доирасида экологик тоза келажак сари муҳим қадам бўладиган стратегик шериклик тўғрисидаги битим имзоланди.

Ўзбекистон Президенти Шавкат Мирзиёев қайта тикланадиган энергетика нафақат иқтисодий мақсад, балки келажак авлодлар олдидаги масъулият ҳам эканини таъкидлади.

Саммитда ушбу ҳамкорлик, жумладан, энергия тизимлари интеграцияси ва Европага экологик тоза энергия етказиб бериш учун янги имкониятлар очиши таъкидланди.

Лойиҳа шамол ва қуёш энергиясидан фойдаланади, бу эса иқлим ўзгаришини юмшатиш ва Париж келишуви доирасида иқлимни ҳимоя қилиш бўйича саъй-ҳаракатларни қўллаб-қувватлашга ёрдам беради.

Саммитда Ўзбекистон, Озарбайжон, Қозоғистон ва Саудия Арабистони энергетика вазирлари «яшил» энергияни ривожлантириш ва узатиш соҳасидаги ҳамкорлик бўйича ижро этувчи дастурни имзоладилар.

Манба: https://t.me/clearenergy/2664

«Ўзбекистон МЭТ» АЖ Ахборот хизмати

http://t.me/uzmetaxborotxizmati