➖Қуёш панелларини уйдан чиқмаган ҳолда онлайн харид қилиш мумкин. Бунинг учун https://energymarket.uz/ платформасига кириб, хоҳлаган компаниядан, хоҳлаган қувватдаги қурилмаларга буюртма бериш мумкин.

➖Жисмоний шахслар қуёш панеллари ва қуёш сув иситиш қурилмаларини 3 йил муддатга фоизсиз, бўлиб-бўлиб тўлаш шарти билан сотиб олишлари мумкин.

➖Бунда, 5 киловаттгача бўлган қисмига бўлиб-бўлиб тўлаш (рассрочка) имтиёзлари берилади.

➖Фуқаролар томонидан ушбу қурилмаларни тўлиқ харид қилинганда қуёш панеллари харажатларинниг 6 млн сўмгача ва қуёш сув иситиш қурилмаларининг 2,1 млн сўмгача қисми Энергияни тежаш жамғармаси томонидан компенсация қилиб берилади.

➖Ушбу қурилмаларни ўрнатганингиздан сўнг, электр таъминоти корхонаси билан электр энергиясини сотиб олиш бўйича шартнома имзолашингиз мумкин.

➖Агар хонадонингизга 5 кВт қувватдаги қуёш фотоэлектр станциясини ўрнатсангиз, бу сизга ўртача 50 млн сўмга тушади ва у бугунги кундаги тариф билан ҳисоблаганда 9 йилда ўзини қоплайди. Кейинги 11 йил қуёш станциясидан чиққан электр энергиясига пул тўламайсиз.

➖Хонадонингизда ишлаб чиқарилган электр энергиясининг ортган қисмини электр таъминоти корхонасига сотиб даромад олишингиз мумкин. Бунда, тадбиркорлик фаолияти деб ҳисобланмайди ва ҳеч қандай солиқ тўламайсиз.

➖Қурилмаларни ўрнатган ва тўлиқ ушбу қурилмадан хонадонни электр энергияси билан таъминлаган (ўрнатилган ер майдони учун) жисмоний шахслар 3 йил, тадбиркорлик субъектлари эса 10 йил давомида эр ва мулк солиғидан озод бўладилар.

➖Электр таъминоти корхонаси хонадон эгасидан электр энергиясининг 1 кВт соатини амалдаги тариф бўйича ўртача 350-360 сўмдан сотиб олади. Маълумот учун электр таъминоти корхонаси аҳолига 295 сўмдан сотади.

➖Электр таъминоти корхонасига сотган электр энергиянгизни корхона сизнинг ҳисоб рақамингизга тўлаб беради.

➖Ҳозирги ўрнатилган замонавий электр ҳисоблагичлар икки томонлама ҳисоблайди. Яъни, хонадонингизда ишлаб чиқарилган электр энергиясини электр таъминоти корхонасига сотганингиз ва электр таъминоти корхонасидан олганингизни ҳисоблаб беради.

➖Бу борадаги барча жараёнларни (қуёш панелингиз орқали ишлаб чиқариш, соатлик, кунлик, ойлик истеъмолингиз, ортиқчасини тармоққа узатаётганингиз, қабул қилганингиз ва бошқалар) қўл телефонингиздаги махсус илова орқали онлайн кўриб боришингиз мумкин.

➖Қуввати 100 кВт ва ундан ортиқ бўлган қайта тикланувчи энергия манбаларидан энергия ишлаб чиқарувчилар қайта тикланувчи энергия манбалари қурилмаларини ўрнатганлик учун мол-мулк солиғини тўлашдан ҳамда ушбу қурилмалар билан банд бўлган участкалар бўйича эр солиғини тўлашдан ўн йил муддатга озод этилади.

➖2024 йил 1 январга қадар қайта тикланувчи энергия манбаларини ташкил этиш учун тадбиркорлик субъектлари томонидан импорт қилинадиган асбоб-ускуналар, техника, хомашё, бутловчи буюмлар, эҳтиёт қисмлар ва бошқа материаллар божхона тўловларидан (қўшилган қиймат солиғи ва божхона расмийлаштируви учун йиғимлардан ташқари) озод этилган.

Ўзбекистон Республикаси

Энергетика вазирлиги Матбуот хизмати

▶️@minenergy_uz

Манба: https://t.me/minenergy_uz/7090

«Ўзбекистон МЭТ» АЖ Ахборот хизмати
 t.me/uzmetaxborotxizmati