Bugun soat 15:17 da Toshkent shahridagi “Keles” podstansiyasidan chiquvchi 110 kV kuchlanishli L-Navoiy-2 elektr uzatish tarmog‘i himoya tizimi ishlashi oqibatida favqulodda o‘chdi.

Natijada Toshkent tumanining ayrim hududlari isteʼmolchilari elektr taʼminotida qisqa muddatli uzilishlar kuzatilmoqda.

Ayni paytda maxsus brigada tomonidan sodir bo‘lgan nosozlikni aniqlash va bartaraf etish ishlari olib borilmoqda. Isteʼmolchilarga zaxira manbalar orqali kuchlanish berish choralari ko‘rilmoqda.

Keltirilgan noqulayliklar uchun isteʼmolchilardan uzr so‘raymiz.

Soat 15:49 da L-Navoiy-1 elektr tarmog‘i orqali taʼminlangan “Sag‘bon”, “Vistovachnaya” hamda “Bibliotechnaya” podstansiyalaridagi isteʼmolchilar elektr taʼminoti boshqa manbaga o‘tkazildi.

Avval xabar berganimizdek, bugun soat 15:17 da Toshkent viloyatidagi “Keles” podstansiyasidan chiquvchi 110 kV kuchlanishli L-Navoiy-2 elektr uzatish tarmog‘i himoya tizimi ishlashi oqibatida favqulodda o‘chdigan edi. Maʼlum bo‘lishicha, qurilish tashkiloti maxsus texnikasi haydovchisi xavfsizlik texnikasi talablarini buzishi oqibatida elektr uzatish tarmog‘i simini uzib yuborgan. Ayni paytda maxsus brigada tomonidan sodir bo‘lgan nosozlikni bartaraf etish, isteʼmolchilarga zaxira manbalar orqali kuchlanish berish choralari ko‘rilmoqda.

Natijada qisqa muddat maʼlum sababga ko‘ra ko‘ra kuchlanishsiz qolgan poytaxtning Olmazor va Shayxontohur tumanlarining ayrim hududlari isteʼmolchilari elektr taʼminoti tiklandi.

Keltirilgan noqulayliklar uchun isteʼmolchilardan uzr so‘raymiz.

Soat 21:52 da 110 kV kuchlanishli L-Navoiy-2  elektr uzatish tarmog‘ida aniqlangan nosozlik bartaraf etilib, liniyaga kuchlanish berildi.

Eslatib o‘tamiz, ushbu elektr tarmog‘i orqali taʼminlangan isteʼmolchilar vaqtincha zaxira manba orqali taʼminlab turilgan edi.

Keltirilgan noqulayliklar uchun isteʼmolchilardan uzr so‘raymiz.

«O‘zbekiston MET» AJ Axborot xizmati 

http://t.me/uzmetaxborotxizmati