2025-yilning 1-noyabriga qadar davlat plastik mahsulotlar ishlab chiqaruvchilari va importchilari uchun chiqindilarni utilizatsiya qilish bo‘yicha yangi talablarni ishlab chiqishni rejalashtirmoqda.

Yangi tizim 2026-yildan boshlab amal qila boshlaydi. Unga ko‘ra, plastik chiqindilarni yig‘ish va qayta ishlash bo‘yicha mas’uliyat ishlab chiqaruvchilar va importchilar zimmasiga yuklanadi yoki ushbu yo‘nalishga ixtisoslashgan qayta ishlash korxonalariga topshiriladi. Shuningdek, ushbu subyektlarga bosqichma-bosqich kengaytirilgan majburiyatlar yuklanishi ko‘zda tutilgan.

Bundan tashqari, yirik savdo markazlarida plastik idishlar uchun qabul avtomatlari o‘rnatiladi.

Ushbu chora-tadbirlar qayta ishlanadigan chiqindilar hajmini oshirish, poligonlardagi chiqindilarni kamaytirish hamda issiqxona gazlari chiqindilarini pasaytirishga yordam beradi.

Manba: https://t.me/clearenergy/2711 

«O‘zbekiston MET» AJ Axborot xizmati
http://t.me/uzmetaxborotxizmati