“ИССИҚЛИК ЭЛЕКТР СТАНЦИЯЛАРИ” АЖ РАСМИЙ БАЁНОТИ

 Айрим ижтимоий тармоқларда “Тахиатош ИЭС” АЖ да ёнғин юз бергани ва бунинг натижасида Қорақалпоғистон Республикасининг аксарият ҳудудларида электр энергияси узилиши юз бергани ҳақида турли хабарлар тарқалмоқда.

  “Иссиқлик электр станциялари” АЖ расман шуни маълум қиладики, “Тахиатош ИЭС” АЖда ҳеч қандай ёнғин ва шу каби фавқулодда ҳолатлар юз бермаган.

  Ушбу ҳолатни Фавқулодда вазиятлар вазирлиги ҳам тасдиқлади.

  Бугун, 25 апрель куни соат 20:46 да станциядаги очиқ тақсимловчи қурилмада қисқа туташув юз берганлиги сабабли 1-сонли буғ-газ қурилмаси ва 1, 3-сонли турбогенераторлар автоматик ҳимоя тизимининг ишга тушуши натижасида ўчиб қолган.

  Воқеа натижасида энергоускуналарга ҳеч қандай талофат етказилмаган. Соат 21:23 да станцияда очиқ тақсимловчи қурилманинг иш фаолияти тикланган.

“Иссиқлик электр станциялари” АЖ Матбуот хизмати.

https://tpp.uz/uz/