Давлат органлари ва ташкилотлари ахборот хизматлари раҳбарлари учун навбатдаги Медиа-форум доирасидаги сессиялар бошланди.

“Сифатли медиа контент яратишда ахборот хизматлари ва оммавий ахборот воситаларининг самарали ҳамкорлик механизмлари (ижтимоий ва коммунал соҳа, коммуникация) йўналишидаги панел сессияда АОКА ахборот хизмати раҳбари Н.Каримова ҳамда Ташқи ишлар вазирлиги матбуот котиби А.Бурханов тақдимотларида оммавий ахборот воситалари, блогер ва инфлюенсерлар билан ишлаш сирлари ҳақида маълумот беришди.

Хусусан, мақсадли аудитория учун сифатли контент беришда кўпроқ кимнинг хизматларига таяниш мумкинлиги, танқидлардан ҳимояланиш усуллари, қайси ижтимоий тармоқларда қандай тоифадаги обуначилар бўлиши юзасидан таҳлилий статистика тақдим этилди.

Олий таълим, фан ва инновациялар вазирлиги ахборот хизмати раҳбари Н.Абдуқундузова ва “Ўзархив” агентлиги матбуот котиби А.Алиев ОАВ учун пресс-тадбирлар ташкил қилиш: замонавий форматдаги янги ёндашувлар борасида тажрибалари билан ўртоқлашдилар.

Мактабгача ва мактаб таълими вазирлиги матбуот котиби Д.Собирова “Feedback - жамоатчиликнинг фикр-мулоҳаза ва мурожаатлари билан ишлаш тажрибаси” мавзусида амалий кўргазмалар билан батафсил маълумот берди.

Эслатиб ўтамиз, параллел равишда иккита панел сессия иш олиб бормоқда.

Манба: https://t.me/Rasmiy_xabarlar_Official/44734

«Ўзбекистон МЭТ» АЖ Ахборот хизмати

https://t.me/uzmetaxborotxizmati