Бугун “Ўзбекистон миллий электр тармоқлари” акциядорлик жамияти раҳбарияти ва Европа тикланиш ва тараққиёт банкининг Евроосиё, Яқин Шарқ ва Африка бўйича энергетика директори Аида Ситдикова бошчилигидаги делегация ўртасида учрашув ўтказилди.

“Ўзбекистон МЭТ” АЖ ахборот хизматининг маълум қилишича, унда томонлар ўзаро ҳамкорликда амалга ошираётган инвестиция лойиҳаларининг ҳолати атрофлича таҳлил қилинди.  

Шунингдек, учрашув давомида мамлакатимиз энергетика тизими учун стратегик аҳамиятга эга бўлган истиқболли лойиҳаларни амалга ошириш билан боғлиқ масалаларга урғу берилди.  

Мулоқот якунида томонлар ўзаро ҳамкорликни мустаҳкамлаш ва келгусидаги режалар юзасидан ҳам фикр алмашди.  

Н.Зиёдуллаева, ЎзА

Манба: https://uza.uz/

«Ўзбекистон МЭТ» АЖ Ахборот хизмати