Бугун, 2022 йил 23 май санасида лойиҳа институти — “SREDAZENERGOSETPROEKT” АЖ биносида “Ўзбекистон миллий электр тармоқлари” АЖ бошқаруви раиси Д.А.Исақулов бошчилигидаги мутахассисларнинг навбатдаги муҳокамалар учрашуви бўлиб ўтди.

Унда Саудия Арабистони Қироллигининг “ACWA Power” компанияси томонидан Сирдарё вилояти, Ширин шаҳрида қуввати 1500 МВт бўлган замонавий буғ-газ иссиқлик электр станциясини қуриш лойиҳаси доирасида ташкил этилган “ACWA Power Sirdariya” МЧЖ Лойиҳа компанияси, “SAESP” АЖ ҳамда “O‘zellektroapparat” АЖ мутахассислари иштирок этишди.

Ишчи тартибдаги учрашув давомида янги қурилаётган иссиқлик электр станциясини Ягона энерготизимга улаш учун зарур иккиламчи қурилмалар, жумладан, реле ҳимояси, телекоммуникация ҳамда аварияга қарши автоматика ускуналарни лойиҳалаштириш, уларни етказиб бериш ва ўрнатиш бўйича белгиланган муддатлар ҳамда шартлар муҳокама қилинди.

Маълумот ўрнида: Мазкур лойиҳа Ўзбекистон Республикаси Президентининг 2020 йил 10 августдаги “Сирдарё вилоятида қуввати 1500 МВт бўлган янги иссиқлик электр станцияси қурилишини ташкил этиш чора-тадбирлари тўғрисида” ПҚ–4799-сон қарори асосида амалга оширилмоқда.

“ACWA Power” компанияси билан “Ўзбекистон МЭТ” АЖ ўртасида 2020 йил 5 мартда Электр энергиясини сотиб олиш келишуви имзоланган бўлиб, Лойиҳа компанияси томонидан қурилиш ишлари жадал суръатлар билан олиб борилмоқда.

Ушбу иссиқлик электр станцияси 2023 йилнинг 2-чорагида фойдаланишга топширилиши режалаштирилган.

Эътиборингизга мазкур инвестиция лойиҳаси бўйича эълон қилинган хабарлар хронологиясини тақдим этамиз:

07.03.2020  — ЎЗБЕКИСТОНДА ЭЛЕКТР ЭНЕРГИЯСИ ТАҚЧИЛЛИГИГА БАРҲАМ БЕРУВЧИ ЛОЙИҲАЛАР ИМЗОЛАНДИ

https://www.uzbekistonmet.uz/uz/lists/view/267

09.03.2020  — «ЎЗБЕКИСТОН МИЛЛИЙ ЭЛЕКТР ТАРМОҚЛАРИ» АКЦИЯДОРЛИК ЖАМИЯТИ ACWA POWER КОМПАНИЯСИ БИЛАН УМУМИЙ ҚИЙМАТИ 1,2 МИЛЛИАРД АҚШ ДОЛЛАРИГА ТЕНГ БИТИМ ИМЗОЛАДИ

https://www.uzbekistonmet.uz/uz/lists/view/269

20.08.2020  — ЎЗБЕКИСТОН РЕСПУБЛИКАСИ ПРЕЗИДЕНТИ ҚАРОРИ: СИРДАРЁДА БУҒ-ГАЗ ЭЛЕКТР СТАНЦИЯСИ ҚУРИЛАДИ

https://www.uzbekistonmet.uz/uz/lists/view/481

24.01.2021 — ЎЗБЕКИСТОН–САУДИЯ АРАБИСТОНИ: ЭНЕРГЕТИКА СОҲАСИДАГИ ҲАМКОРЛИК ЯНГИ БОСҚИЧГА КЎТАРИЛМОҚДА

https://www.uzbekistonmet.uz/uz/lists/view/697

30.03.2021 — ЭЛЕКТР ЭНЕРГЕТИКА ТАРМОҒИДА ДУНЁНИНГ ИЛҒОР ТАЖРИБАСИНИ ЎРГАНИБ, ЭНГ САМАРАЛИ, АРЗОН ВА ҚУЛАЙ ТЕХНОЛОГИЯЛАРНИ ЖОРИЙ ЭТИШ — БУГУНГИ КУН ТАЛАБИ

https://www.uzbekistonmet.uz/uz/lists/view/889

31.03.2021 — ACWA POWER КОМПАНИЯСИ ВАКИЛЛАРИ БИЛАН МУЗОКАРАЛАР ЙИҒИЛИШИ ЎТКАЗИЛДИ

https://www.uzbekistonmet.uz/uz/lists/view/904

09.04.2021  — Айни пайтда Интерконтинентал мажмуасининг «Самарқанд» мажлислар залида “Ўзбекистон МЕТ” АЖ ҳамда ACWA Power компанияси вакилларининг музокаралар йиғилиши бўлиб ўтмоқда

https://www.uzbekistonmet.uz/uz/lists/view/931

‖ Веб-саҳифа ‖ Telegram  ‖ Facebook ‖ Instagram ‖ Twitter ‖ Utube ‖ Youtube‖

«Ўзбекистон МЭТ» АЖ Ахборот хизмати
 t.me/uzmetaxborotxizmati