Ўзбекистон Республикаси Президентининг 2017 йил 16 сентябрдаги ПҚ–3284-сонли “Жаҳон банки иштирокида “Магистрал электр тармоқлари подстанцияларини модернизация ва реконструкция қилиш” инвестиция лойиҳасини амалга ошириш чора-тадбирлари” тўғрисида қарорига асосан 220 кВ кучланишли “Муборак” подстанциясида бир қатор модернизация-реконструкция ишлари олиб борилмоқда.

  220 кВ кучланишли “Муборак” подстанцияси вилоятдаги тоифаланган йирик саноат объектлари, яъни “Муборак газни қайта ишлаш заводи”, Муборак нефть ва газ қазиб чиқариш” АЖларга электр энергияси билан таъминлайди.

  Объектларнинг барқарор фаолиятини таъминлаш мақсадида “Муборак” подстанцияси электр қурилмалари “Магистрал электр тармоқлари подстанцияларини модернизация ва реконструкция қилиш” ҳамда “Фаза-1” лойиҳасига киритилган.

  Ҳозирги кунга қадар 5 дона янги, замонавий LTB-245E1 русумли 220 кВли ўчиргичлар, 4 дона LVB-220кВ русумли ток трансформаторлари, 2 дона ўта кучланишдан ҳимоя қилиш ускунаси (ОПН-220), 117 элементдан иборат 11ОGI-880LA русумли аккумулятор батареялари, шунингдек, 2 дона 10 кВли реактор ҳамда 1 дона қувватлаш ускунаси (ВЗП) ўрнатилди.

  Жорий йилнинг август ойида лойиҳага асосан 220 кВ кучланишли “Муборак” подстанциясига 1117 дона изоляторлар ва 10 дона 220кВ ажратгичлар олиб келинган бўлиб, ҳозирги кунга қадар 2 дона ажратгичлар ва 120 дона изоляторлар ўрнатилди. Демонтаж ва замонавий ускуналарни ўрнатиш ишлари ўрнатилган тартибда давом этмоқда.

✍️ «Қашқадарё магистрал электр тармоқлари» филиали

«Ўзбекистон МЭТ» АЖ Ахборот хизмати

Телеграм каналига аъзо бўлиш учун  t.me/uzmetaxborotxizmati