❗️ Жамиятнинг мажлислар залида «Ўзбекистон миллий электр тармоқлари» акциядорлик жамияти ҳамда «McKinsey&Company» халқаро консалтинг компанияси мутахассислари иштирокида муҳокамалар учрашуви бўлиб ўтмоқда. Унда «Ўзбекистон МЭТ» АЖ бошқарув раисининг биринчи ўринбосари С.С.Артиков, бошқарув раисининг ўринбосарлари Ф.М.Қурбонов ва Ж.Т.Аширбоев ҳамда Акциядорлик жамиятининг масъул мутахассислари «McKinsey&Company» компанияси мутахассислари билан ҳамкорлик юзасидан ишлаб чиқилган иш режасининг босқичларини муҳокама этишмоқда. Шу билан бирга, онлайн режимда ўтказилаётган мазкур учрашувда хорижий ҳамкорларнинг чет элдаги вакиллари ҳам видеомулоқот орқали ўз таклифларини билдиришмоқда.

⇒ Эслатиб ўтамиз, Ўзбекистон Республикаси Вазирлар Маҳкамасининг 2020 йил 27 ноябрдаги 515-ф-сон фармойишига биноан «McKinsey&Company» халқаро консалтинг компанияси билан ҳамкорликда Акциядорлик жамияти ва унинг тизим ташкилотларида чуқур диагностика таҳлиллари ўтказиш, тизимли камчиликларни аниқлаш, харажатларни қисқартириш, замон талабларига жавоб берадиган операцион бошқарув тизимини яратиш бўйича таклифлар ишлаб чиқилган бўлиб, ўрганиш натижаларига кўра хулосалар амалиётга татбиқ этилади.

✍️ «Ўзбекистон МЭТ» АЖ Ахборот хизмати

  t.me/uzmetaxborotxizmati