Маълумки, мамлакатимизда ишлаб чиқариш ва хизмат кўрсатиш соҳасини рақамлаштириш жараёни жадал суръатларда олиб борилмоқда. Бундай амалиётлар энергетика соҳаси, хусусан электр энергетика тармоғида ҳам кенг татбиқ этилмоқда.

  “Диспетчерлик бошқаруви маълумотларни йиғиш дастурий-аппарат комплексини (SCADA/EMS/RTU) жорий қилиш” инвестицион лойиҳаси доирасида “Ўзбекистон МЭТ” АЖ раҳбарияти ҳамда мазкур йўналишга тегишли мутахассис кадрлар иштирокида давра суҳбати ўтказилди. Унда Франциянинг “EDF-CIST”,  Буюк Британиянинг “JURU Energy” ҳамда  “RTE International” (Франция) концортиум консалтинг компанияси мутахассислари иштирок этишди.

  Тадбирда консультант компания томонидан лойиҳанинг техник-иқтисодий асослари (ТИА) ҳамда тендер ҳужжатларини ишлаб чиқиш доирасида амалга оширилаётган ишлар юзасидан тақдимот ўтказилди. Шунингдек, республикамиз энергетика тизимининг бугунги ҳолати тўғрисида ўрганиш натижалари ҳамда келгусида SCADA тизимни  жорий этиш учун бош пудратчи танлаш бўйича халқаро танлов эълон қилиниши юзасидан фикр алмашинилди.

  «Инвестицияларни жалб қилиш ва инвестицион лойиҳаларни амалга ошириш бошқармаси

«Ўзбекистон МЭТ» АЖ Ахборот хизмати

t.me/uzmetaxborotxizmati