Avval xabar berganimizdek, «O‘zbekiston milliy elektr tarmoqlari» boshqaruvi raisi Dadajon Aynaqulovich Isaqulov tuman (shahar) prokurorlari uchun tashkil etilgan o‘quv-amaliy seminarda energetika mavzusiga tegishli mavzu yuzasidan maʼruza bilan ishtirok etgan edi.

Nazariy mashg‘ulotlarning mantiqiy davomi energetika obyekti — «Toshkent shahar magistral elektr tarmoqlari» filiali tasarrufidagi 220 kV kuchlanishli “Ozodlik” podstansiyasida davom ettirilmoqda. O‘quv seminarining amaliy taqdimot tadbirida «O‘zbekiston MET» AJ mutaxassislaridan tashqari turdosh tashkilotlar: «Hududiy elektr tarmoqlari» AJ, “Hududgaztaʼminot” AJ, shuningdek, Toshkent shahri prokuraturasi mutasaddi xodimlari hamda quyosh panellarini o‘rnatish va servis ko‘rsatish korxonalari ishtirok etmoqda.

⚡️ O‘zbekiston Respublikasi Prezidenti huzuridagi Davlat boshqaruvi akademiyasiga taklif etilgan tuman (shahar) prokurorlaridan iborat tinglovchilar guruhi energetika tizim tashkilotlarining energiya samaradorligi va tejamkorligi borasidagi tavsiyalari, amalga oshirilayotgan ishlari, erishgan yutuq va kamchiliklari hamda ularning yechimlari, shuningdek, ishlab chiqarish va xizmat ko‘rsatish jarayoniga tatbiq etilgan innovatsion ishlanmalari bilan yaqindan tanishdilar.

Tinglovchilar elektr va gaz taʼminoti jihozlari hamda ularning ish funksiyasi bilan bevosita tanishib, amaliy ish tajribasida olgan bilim va ko‘nikmalarini mustahkamlashmoqda.

Veb-sahifa ♦ Facebook ♦ Instagram 

«O‘zbekiston MET» AJ Axborot xizmati