«Ўзбекистон миллий электр тармоқлари» акциядорлик жамияти тасарруфидаги «Қорақалпоғистон магистрал электр тармоқлари» филиали ходимлари томонидан Жамият раҳбарияти тасдиқланган режага асосан бир қатор ишлар амалга оширилди.

   Жумладан,

   2020 йил 26–29 май кунлари давомида 220/110/10 кВ «Беруний» подстанциясида В-АТ-1-110 кВ ячейкасидаги «ВМТ-110» русумли ва 02-05 июнь кунлари оралиғида В-Л-Саноат-2-110 кВ ячейкасидаги «ВМТ-110 кВ» русумли мойли ўчиргичлари мукаммал таъмирланди.

   Электр жиҳоз ва ускуналарини мукаммал таъмирлаш чора-тадбирларида кўрсатилган барча вазифалар тўлиқ бажарилди: ёритгич механизмлари, контакт системалари, бошқариш схемалари кўздан кечирилди, аниқланган носозликлар бартараф этилди, ўчиргич ва ток трансформаторининг мойлари янгиланди. Айрим электр жиҳозларининг сиртки қаватидаги мойли ва лойли қопламалар техник сода билан ювиб тозаланди, диспетчерлик номлари ва электр қурилмалардаги маркировка бўёқлари янгиланди.

   Мукаммал таъмир ишларидан кейин ўчиргичлар, ток трансформаторлари синовлардан ўтказилиб, қурилмалар белгиланган тартибда тизимга уланди.

   Бундан ташқари, жорий таъмирлаш ишлари бўйича режага асосан 220 кВ ли «Беруний» подстанциясда «Шарқий-2-110» номли ҳаво линиясининг «LTB-110» русумли элегазли ўчиргичи, «Тўрткўл-2-110» электр тармоғининг «ОВ-110» русумли ячейкаларидаги мойли ўчиргичлари, ток трансформаторлари ва ажратгичлари жорий таъмирланди. Шунингдек, диспетчерлик номлари ва электр қурилмаларидаги маркировка бўёқлари янгиланди.

   Айни кунларда реле ҳимояси қурилмаларида белгиланган режага асосан профилактик текширув ишлари давом эттирилмоқда.

   Бажарилган ишлар давомида ишчи-ходимлар тарафидан хавфсизлик техникаси, ёнғин хавфсизлиги ва шахсий гигиена қоидаларига қатъий риоя қилинди.

«Ўзбекистон МЭТ» АЖ Ахборот хизмати

Телеграм каналига аъзо бўлиш учун t.me/uzmetaxborotxizmati