Аввал хабар берганимиздек, «Ўзбекистон МЭТ» АЖ томонидан Осиё Тараққиёт Банки иштирокидаги инвестицион лойиҳа ўз амалиётларини якунламоқда.

     Бугун, 30 декабрь куни тунги соат 01:31да лойиҳанинг I босқичи якунларига кўра «Хоразм» подстанциясидан «Саримой» ўчириб-ёқиш пунктигача бўлган қисмига, яъни янги қурилган ҳаво линиясига кучланиш берилиб, ҳаво линиясининг кучланишда туриши мувафаққиятли ўтди.

     Эслатиб ўтамиз: мазкур лойиҳа истеъмолчилар, ижтимоий аҳамиятга эга объектлар, кичик ва ўрта бизнес ҳамда саноат корхоналарини сифатли электр энергияси билан мунтазам равишда таъминлашни кафолатлаш учун хизмат қилади.

     Шунингдек, ушбу янги тармоқ юқори кучланишли электр энергиясини мамлакатимизнинг шимолий қисмидан марказий қисмига, марказий қисмидан шимолий қисмига орттирилган қувватларда узатиш имконини яратади.

«Ўзбекистон МЭТ» АЖ Ахборот хизмати