Аввал хабар қилганимиздек, Туркиянинг “Aksa Enerji” компанияси томонидан Тошкент вилоятида қуввати 240 МВт бўлган буғ-газ ва қуввати 230 МВт бўлган газ-поршенли электр станциясини қуриш лойиҳаси амалга оширилмоқда.

  Объектда курилиш-монтаж ишлари якунланиб созлаш ва ишга тушириш ишлари бажарилмокда. Кеча 22 декабрь куни электр станциянинг очиқ тақсимлаш қурилмасига илк кучланиш берилди. Айни пайтда курилманинг ёрдамчи ускуналари ишга туширилмокда.

  Якин 7-8 кун ичида электр станция Ўзбекистоннинг ягона электр тармоғига уланиб, қувват узатишни бошлайди.

 Электр станцияси ишга туширилиши натижасида йилига 3,9 миллиард киловатт-соат электр энергияси ишлаб чиқарилади. Ушбу лойиҳани амалга ошириш ҳисобига йилига 550 миллион метр куб табиий газ тежалишига эришилади.

  Эслатиб ўтамиз, ушбу инвестиция лойиҳаси Президентимизнинг 2020 йилнинг 13 августдаги ПҚ-4807-сон ва 2021 йил 4 мартдаги ПҚ-5018-сон қарорларига мувофиқ давлат-хусусий шериклик тамойиллари асосида амалга оширилмоқда.

  Ўзбекистон Республикаси
  Энергетика вазирлиги Матбуот хизмати

  https://minenergy.uz/uz/news/view/1684

«Ўзбекистон МЭТ» АЖ Ахборот хизмати

t.me/uzmetaxborotxizmati