Аввал хабар берганимиздек, сентябрь ойида «Ўзбекистон МЭТ» АЖга дунёнинг нуфузли нашри — «Global Markets» журнали мухбири Люси Фицжорж-Паркер хоним ташриф буюрган эди. Журналист Молия вазирлиги ходимлари иштирокида Жамият бошқарув раисининг биринчи ўринбосари Холиқ Элмуродовдан интервью олганди. Яқинда журналнинг ушбу сони Буюк Британияда чоп этилиб, АҚШ пойтахтида бўлиб ўтган Жаҳон Банки ҳамда Халқаро Валюта Жамғармаси қўшма учрашувида тарқатилди.

   Эслатиб ўтамиз, «Global Markets»нинг махсус сонида Молия ва Энергетика вазирлиги, шунингдек «Ўзбекнефтегаз», «Ўзкимёсаноат», «Ўзтрансгаз», «Иссиқлик электр станциялари» АЖ ва бошқа ташкилот раҳбарларининг интервьюлари чоп этилган. Унда асосан Ўзбекистон энергетика соҳасида олиб борилаётган ислоҳатлар, истиқболдаги режалар, инвестицион лойиҳалар, жорий этилаётган янгилик ҳамда эришилаётган ютуқлар акс эттирилган.

«ЎзМЭТ» АЖ Ахборот хизмати

t.me/uzmetaxborotxizmati

facebook