Бугун, 2025 йил 6 январь куни “NOVA24 — LIVE” телеграм каналида «Қўйлиқ» подстанциясидаги авария туфайли қисқа муддатли электр узилиши юз бергани ҳақида хабар эълон  қилинди.

♦ Хабарнинг рус тилидаги мазмуни: “В аэропорту Ташкента из-за аварии на подстанции «Куйлюк» в 02:28 произошло кратковременное частичное отключение электроэнергии, залы вылета и прилёта работали от резервных источников питания: сбой не повлиял на приём и выпуск рейсов, электроснабжение полностью восстановили в 02:49.”

♦ Хабарнинг ўзбек тилидаги таржимаси: “Тошкент аэропортида соат 2:28 да «Қўйлиқ» подстанциясидаги авария туфайли қисқа муддатли электр узилиши юз берди. Учиш ва қўниш заллари захира қувват манбаларида ишлаётган эди. Узилиш рейсларнинг келиши ёки жўнаб кетишига таъсир қилмади ва соат 2:49 да электр токи тўлиқ тикланди.”

Манбаси кўрсатилмаган мазкур хабарнинг манбаси  Ўзбекистон аэропортлари фаолиятини ёритувчи “UZBEKISTAN AIRPORTS”да эълон қилинган хабар бўлиб, унда  «Қўйлиқ» подстанциясидаги кичик носозлик содир бўлгани ёзилади.

Юқоридаги хабарлар ОАВ ҳамда жамоатчиликда нотўғри талқин пайдо бўлмаслиги учун,

РАСМИЙ ИЗОҲ: Маҳаллий вақт билан соат 2:28 да Тошкент аэропорти тасаввуридаги электр қурилмасида (кабелда) содир бўлган қисқа туташув туфайли аэропорт электр таъминотида қисқа муддатли узилиши содир бўлган. Қисқа туташув «Қўйлиқ» подстанциясидаги ҳимоя тизимида қайд этилган.

⇒ Маълумот учун: Тошкент халқаро аэропортининг ташқи электр таъминоти нормал схемада «Қўйлиқ» ПСдан чиқувчи 35 кВли 4 та Л-Аэропорт-2,4,5 ҳамда “Тошкент ИЭМ” дан чиқувчи 35 кВли Л-Аэропорт-1 кабель тармоқлари орқали таъминланган.

Жорий йилнинг 2 январь куни соат 10:20 да 35 кВли Л-Аэропорт-2,4 кабель тармоқлари авариявий ўчган. 4 январь куни соат 18:13 да Л-Аэропорт-2 тармоғи қайта ишга қўйилган. Ҳозирда Л-Аэропорт-4 кабель тармоғи таъмирда.

Шу билан бирга, 4 январь куни соат 01:47 да 35 кВли Л-Аэропорт-1 кабель тармоғи авариявий ўчган. Мазкур тармоқ 5 январь куни соат 17:27 да қайта ишга қўйилган. Мазкур 35 кВли кабель тармоқлари истеъмолчи (Тошкент аэропорти) тасарруфида.

▶️ Батафсил

https://t.me/sputnikuzbek/60955

https://t.me/Rasmiy_xabarlar_Official/55626

https://t.me/Rasmiy_xabarlar_Official/55625

https://kun.uz/

https://t.me/nova24live/90086

https://qalampir.uz/n/129759

https://www.gazeta.uz/

https://anhor.uz/

https://sputniknews.uz/

https://new.hudud24.uz/

«Ўзбекистон МЭТ» АЖ Ахборот хизмати 

http://t.me/uzmetaxborotxizmati