Маълумки, 2023 йил 4–6 май кунлари Тожикистон Республикаси пойтахти Душанбе шаҳрида Мувофиқлаштирувчи комиссиянинг навбатдаги 41-йиғилиши ҳамда Марказий Осиё Мувофиқлаштирувчи электр энергетика кенгашининг 39-йиғилиши бўлиб ўтган эди. Тадбирда Тожикистоннинг “Барки Точик” очиқ турдаги акциядорлик жамияти холдинг компанияси Кенгашнинг мезбонлик навбати расман Ўзбекистонга ўтганини билдирган эди. «Ўзбекистон миллий электр тармоқлари» акциядорлик жамияти бошқаруви раиси Д.А.Исақулов, ўз навбатида, Марказий Осиё электр энергетика ташкилотларининг навбатдаги мажлиси 2023 йилнинг октябрь ойида Самарқанд шаҳрида бўлиб ўтишини эълон қилганди.

Шу боис, 2023 йил 25–26 октябрь кунлари Самарқанд шаҳрида Мувофиқлаштирувчи комиссиянинг навбатдаги 42-йиғилиши ҳамда Марказий Осиё Мувофиқлаштирувчи электр энергетика кенгашининг 40-йиғилиши бўлиб ўтиши режалаштирилган ва унга “Ўзбекистон миллий электр тармоқлари” акциядорлик жамияти мезбонлик қилади.

Эътиборингизга Марказий Осиё энергетикларининг ўтган сафарги йиғилиши ҳақидаги хабарлар ҳаволасини тақдим этамиз:

✔️ Хизмат сафари ҳисоботи: Мувофиқлаштирувчи комиссиянинг 41-йиғилиши ҳамда Марказий Осиё Мувофиқлаштирувчи электр энергетика кенгашининг 39-йиғилиши (Тожикистон, Душанбе, 3–6 май, 2023 йил)

https://www.uzbekistonmet.uz/uz/lists/view/3900

✔️ Душанбе шаҳрида Марказий Осиё энергетиклари йиғилиши бўлиб ўтмоқда

https://uza.uz/uz/posts/dushanbe-shahrida-markaziy-osiyo-energetiklari-yigilishi-bolib-otmoqda_479268

✔️ В Таджикистане начал работу Центральноазиатский координационный электроэнергетический совет

https://www.uzbekistonmet.uz/ru/lists/view/3895

✔️ В Душанбе проходит заседание энергетиков Центральной Азии

https://uza.uz/ru/posts/v-dushanbe-proxodit-zasedanie-energetikov-centralnoy-azii_479490

✔️ Dushanbe hosts a meeting of Central Asian power engineers

https://uza.uz/en/posts/dushanbe-hosts-a-meeting-of-central-asian-power-engineers_479714

Эслатиб ўтамиз, халқаро тадбирда Тожикистон, Қозоғистон, Қирғизистон ва Туркманистон электр энергетика ташкилотлари раҳбарлари ҳамда вакиллари, шунингдек, Ўзбекистон Республикаси Энергетика вазирлиги ҳузуридаги “Миллий диспетчерлик маркази” давлат унитар корхонаси ҳамда «Энергия» диспетчерлик маркази раҳбарлари ва мутахассислари иштирок этишмоқда. Россия Федерацияси мутахассислари кузатувчи мақомида иштирок этишади.

⚡️Тадбир мезбони — “Ўзбекистон миллий электр тармоқлари” акциядорлик жамияти.

Ишчи тартибдаги йиғилишда Марказий Осиё минтақасида 2023/2024 йил куз-қиш мавсумида тайёргарлик ишлари, бу борада амалга оширилган ишлар ва йўл қўйилган камчиликлар ҳамда уларнинг ечимлари атрофлича таҳлил қилинади. Шунингдек, куз-қиш мавсумида Марказий Осиё электр энергетика ҳалқа тизимида электр таъминоти барқарорлигини таъминлаш учун зарур амалиётлар, каскадли ўчишларнинг олдини олиш, қайта тикланувчи энергия манбаларини электр энергетика тармоғига улаш ва уларни тўғри эксплуатация қилиш, минтақада сув ресурсларидан оқилона фойдаланиш истиқболлари муҳокама этилиши кутилмоқда.

portal_gov_uz - 25–26 октябрь кунлари Самарқанд шаҳрида Марказий Осиё энергетикларининг навбатдаги кенгаши бўлиб ўтади

minenergy.uz - 25–26 октябрь кунлари Самарқанд шаҳрида Марказий Осиё энергетикларининг навбатдаги кенгаши бўлиб ўтади

«Ўзбекистон МЭТ» АЖ Ахборот хизмати

http://t.me/uzmetaxborotxizmati