Shomanay rayonı xalqı ushın áhmiyetli bolǵan "Xalıqtıń qıytaq jer hám ijara jerlerinen nátiyjeli paydalanıw arqalı dáramatların arttırıw boyınsha kórgizbeli seminar" jaqın waqıtlarda baslanıwı kútilmekte.

Bul seminar rayonımız xalqına qıytaq jer mádeniyatın keńeytiw arqalı jańa texnologiyalar járdeminde eginlerdi egiw hám olardan dáramat alıw boyınsha bilim hám tájiriybe almasıwǵa qolaylıq hám imkaniyat jaratadı.

Shomanay rayonında Prezidentimiz tárepinen belgilep berilgen jańa sistema tiykarında "Xalıqtıń qıytaq jer hám ijara jerlerinen nátiyjeli paydalanıw arqalı dáramatların arttırıw ilajlar"ı boyınsha kórgizbeli seminar ótkerildi.

Oǵan, "Ózbekstan milliy elektr tarmaqları" akcionerlik jámieti basqarması baslıǵı D.Isaqulov, Shomanay rayonı hákimi A.Ametov, hákim orınbasarları, mákeme hám kárxana baslıqları, tiyisli qánigeler hám rayondaǵı isbilermenler qatnastı.

Seminardı rayon hákimi A.Ametov kiris sóz benen ashıp berdi. Dáslep, miymanlar  rayon hákimligi imaratınıń aldında shólkemlestirilgen isbilermenler tárepinen jayılǵan kórgizbelerdi kózden ótkerdi. Sonday-aq, awıl xojalıǵında xızmet kórsetiw ushın lizingke alınǵan traktorlar hám jeńilletilgen kreditler tiykarında alınǵan multikultivatorlar isbilermenlerge tapsırıldı.

Bunnan soń, seminar qatnasıwshıları Nawayı kóshesindegi shańaraqlıq isbilermenligin jolǵa qoyǵan Rejepova Malikanıń gózzallıq salonına barıp, búgingi kúnde alıp barıp atırǵan jumıs processi menen tanıstı. Isbilermen Malika 6 qızdı jumıs penen bánt etip, xalıqqa sapalı xızmet kórsetpekte.

Seminar dawamında keyingi mánzil "Mádeniyat" mákan puqaralar jıyını aymaǵındaǵı isbilermen R.Allaniyazovtıń awıl xojalıq ónimlerin qayta islew arqalı sharwa malları ushın ot-jem ónimlerin islep shıǵarıwshı kárxana boldı. Bul jerde olar isbilermenniń búgingi kúnde alıp barıp atırǵan jumıs barısı menen tanıstı.

Bunnan soń, "Nawrız" mákan puqaralar jıyını aymaǵındaǵı "Dárbent" kóshesindegi bir neshe shańaraqlardıń úy aldı qıytaq jerine qurılǵan ıssıxanaları hám ıqsham parniklerde nál hám palız eginlerin egiwdi álle qashan baslap jibergen kóshe turǵınlarınıń báhárgi egis jumısları menen tanıstı. Sonday-aq, seminar qatnasıwshıları usı kóshede zamarrıq egiwdi jolǵa qoyıp, shańaraǵına qosımsha dáramat kiritip atırǵan A.Bekimbetov penen sáwbetlesip, óz ara pikir almastı.

Keyingi mánzil "Mamıy" awıl puqaralar jıyını. Bul jerde "Jasıl mákan" ulıwma milliy joybarı sheńberinde "Jaslar baǵı" shólkemlestirildi.

Rayon hákimi hám seminar qatnasıwshıları jaslar menen birigip, baǵ ishinde dekorativ hám miywe nállerin egip qorshaǵan ortalıqtıń kókelemzarlastırılıwına óz úleslerin qostı.

Seminar sońında "Begjap" awıl puqaralar jıyını aymaǵındaǵı "Ran Omad" juwapkershiligi sheklengen jámiyeti tárepinen 2 gektar maydanda shólkemlestirilgen ıssıxana iskerligi menen tanıstı.

Bul seminar dawamında qatnasıwshılar qıytaq jer mádeniyatın keńeytiw arqalı jańa texnologiyalar járdeminde eginlerdi egiw hám olardan dáramat alıw boyınsha kóplegen bilim hám tájiriybege iye boldı.

Elimizde insan qádiri, onıń huqıq hám erkinliklerin támiyinlew, sociallıq qollap-quwatlawǵa mútáj puqaralarǵa ǵamxorlıq kórsetiw mámleketlik  siyasattıń baslı baǵdarlarınıń birine aylanǵan.
Bul baǵdarda barlıq puqaralarımız sıyaqlı imkaniyatı sheklengen watanlaslarımızǵa itibar hám ámeliy járdem kórsetiw, olardı hár tárepleme qollap-quwatlawǵa ayrıqsha kewil bólinbekte.

Qaraqaqalpaqstan Respublikası Joqarǵı Keńesi deputatları tárepinen ulıwma xalıqlıq "Nawrız" bayramı hám Ramazan ayı múnásibeti menen Shomanay rayonındaǵı sociallıq qorǵawǵa mútáj 40 shańaraqqa bayram sawǵaları tapsırıldı.

Bul qayırqomlıq ilajı Ramazan ayınıń pazıyletinen nátiyjeli paydalanıw, mútájlerge járdem beriw hám olardı quwandırıw maqsetinde shólkemlestirilgen edi.

✍️ Shomanay rayonı hákimligi Málimleme xızmeti 

Facebook ♦ Instagram  ♦ YouTube 

«O‘zbekiston MET» AJ Axborot xizmati
http://t.me/uzmetaxborotxizmati