Qadriyatlar – har bir millatning maʼnaviy qiyofasini namoyon etadi. Xalqimizning asrlik o‘tmishi, qadriyatlari va milliy madaniyatini aks ettiruvchi milliy liboslarimiz qadriyatlarimizning muhim qismi bo‘lib, butun millatning maʼnaviy qiyofasini o‘zida namoyon etadi, desak mubolag‘a bo‘lmaydi.

Mamlakatimizda milliy liboslar targ‘ibotini kuchaytirish, yosh avlod va filialimizda faoliyat yuritayotgan ayollarimiz ongiga millat ruhiyatini singdirish, ular hayotiga o‘zbekona mentalitet meʼyorlarini olib kirish hamda milliy liboslarga mehr uyg‘otish maqsadida turli xil milliy xon atlas liboslar festivali va shu ko‘rinishdagi tadbirlarning tashkil etilayotganligi ham bejiz emas.

Joriy yilning 9-sentabr sanasida “O‘zbekiston milliy elektr tarmoqlari” AJning “Toshkent shahar magistral elektr tarmoqlari” filialida kasaba uyushmasi qo‘mitasi raisi Narjemal Xodjamkuliyeva hamda xotin-qizlar qo‘mitasi raisi Sayyora Abidova tomonidan O‘zbekiston Respublikasi oila va xotin-qizlar qo‘mitasining 2024-yil 19-avgustdagi 02-01/1335-sonli xabarnoma ijrosini taʼminlash maqsadida, “Milliy qadriyatlarimiz – bebaho boyligimizdir” mavzusida “Xon atlas” tadbiri tashkil qilindi. Unda filialda faoliyat yuritayotgan faol xotin-qizlarimiz, uy bekalari hamda tumandagi faol ayollar ishtirok etdi. Tadbirda o‘zbek millatining urf-odatlari va anʼanalarini targ‘ib etuvchi ko‘rgazmalar, ayollar jamoasining chiqishlari  namoyish etildi.

Tadbirda Yunusobod tuman xokim o‘rinbosari oila va hotin-qizlar bo‘yicha bo‘lim boshlig‘i Dilfuza Muxsimova, tuman maʼnaviyat va maʼrifat bo‘limi rahbari Charos Xaydarova, “Yangiariq” maxallasining faoli Lobar Alimova so‘zga chiqib, har bir millatning tili, urf-odatlari, tarixi, madaniyati, anʼanalarini, barcha moddiy va maʼnaviy boyliklarini, iqtisodiy, ijtimoiy-siyosiy hayotining barcha tomonlarini o‘z ichiga qamrab oladigan milliy qadriyatlar haqida o‘z fikr-mulohazalarini bildirdilar.

Tadbir so‘ngida faol ayol-qizlarimiz tomonidan tayyorlangan ashula, sheʼriyat davrasi tashkillashtirildi. Yunusobod tumani madaniyat bo‘limidan tashrif buyurgan Nodirbek Urmonov tomonidan kuylangan milliy qo‘shiqlar ayollar ruhiyatini yana-da oshirdi.

«O‘zbekiston MET» AJ Axborot xizmati

https://t.me/uzmetaxborotxizmati