Oʻzbekiston energiya tejash boʻyicha qurilish sohasida yangi meʼyorlarni faol joriy etmoqda va bu allaqachon natija bermoqda. Yangi kvartiralar zamonaviy texnologiyalar tufayli eski uylarga qaraganda issiqlikni ancha yaxshi saqlaydi.

Avvallari qurilish jarayonida e’tibor berilmagan ko‘plab jihatlar endi asosiy masalaga aylanmoqda. Uyning quyoshga nisbatan joylashuvi, derazalarning o‘lchami va hatto soyabonlar - bularning barchasi quyosh issiqligidan foydalanishni optimallashtirishga yordam beradi. Maxsus kompyuter ilovalari ushbu parametrlarni hisobga olish va yanada qulay sharoitlarni yaratish imkonini beradi.

Sakkiz kishiga mo‘ljallangan ikki qavatli uyning tajriba loyihasi energiya samaradorligining namunasidir: u to‘liq avtonom va isitish uchun quyosh panellaridan foydalanadi. Bunday uylarning joriy etilishi yiliga 600 ming tonna karbonat angidrid chiqindilarini kamaytirish imkonini beradi!

Tez orada uylarni modernizatsiya qilish nafaqat zamonaviy trendga, balki barqaror kelajakni yaratish uchun zaruratga aylanishi mumkin!

Manba: https://t.me/clearenergy/2626

«O‘zbekiston MET» AJ Axborot xizmati

http://t.me/uzmetaxborotxizmati