“Oʻzenergoinspeksiya” Qashqadaryo viloyat hududiy boshqarmasi va huquqni muhofaza qiluvchi organlar bilan hamkorligida oʻtkazilgan nazorat tadbirida Qarshi shahrida faoliyat yuritayotgan “Sh.H.N.” oliyaviy korxonasiga qarashli nonvoyxonada hisoblagichdan tashqari to‘g‘ridan to‘g‘ri tarmoqqa ulanib, 2 dona gaz so‘rgich uskunasidan foydalanib kelayotganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 68,8 mln so‘mlik zarar yetkazilganligi ma’lum bo‘ldi.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

Manba: https://t.me/Energoinspeksiya/5771

«O‘zbekiston MET» AJ Axborot xizmati

http://t.me/uzmetaxborotxizmati