Avval xabar berganimizdek, ayni paytda Dushanbe shahrida Markaziy Osiyo energetiklari Muvofiqlashtiruvchi komissiyasining 41-yig‘ilishida davom etmoqda. Unda O‘zbekiston, Tojikiston, Qozog‘iston va Qirg‘iziston elektr energetika tashkilotlari rahbarlari hamda mutaxassislari, shuningdek, “Energiya” muvofiqlashtiruvchi dispetcherlik markazi rahbari va mutaxassislari ishtirok etishmoqda.

Ishchi tartibdagi yig‘ilishda 2022/2023-yil kuz-qish mavsumida amalga oshirilgan ishlar va mavsumda yo‘l qo‘yilgan kamchiliklar atroflicha tahlil qilindi.

Shuningdek, kun tartibida 2023-yil sug‘orish mavsumida suv resurslarini boshqarish, mintaqada energiya taqchilligi va yirik avariyalar sodir bo‘lishining oldini olishga qaratilgan tadbirlar, hamkorlik masalalaridagi istiqbolli rejalari, shu bilan birga, 2023/2024-yil kuz-qish mavsumiga tayyorgarlik ko‘rish chora-tadbirlari haqida ham so‘z yuritildi.

Eslatib o‘tamiz, mazkur yig‘ilishlarda mintaqaning boshqa mamlakatlari energetika sohasi mutaxassislari kuzatuvchi maqomida ishtirok etmoqda.

‖ Veb-sahifa ‖ Facebook ‖ Instagram ‖ Youtube ‖

«O‘zbekiston MET» AJ Axborot xizmati

https://t.me/uzmetaxborotxizmati