✍️ O‘zbekiston Respublikasi Favqulodda vaziyatlar vazirining 2025-yil 15-sentabrdagi Respublikada “Yong‘indan ogohlik” umummilliy kompaniyasi oyligini tashkil etish bo‘yicha 327-sonli farmoyishiga muvofiq “Surxondaryo magistral elektr tarmoqlari” filiali xodimlari ishtirokida tushuntirish-targ‘ibot tadbiri o‘tkazildi.

⚡️ Tadbir “Surxondaryo magistral elektr tarmoqlari” filiali tasarrufida, Jarqo‘rg‘on tumanida joylashgan 500/220/110/10 kV kuchlanishli “Surxon” podstansiyasida bo‘lib o‘tdi. Unda Favqulodda vaziyatlar vazirligi mas’ul xodimlari tomonidan Vazirlar Mahkamasining 2020-yil 20-oktabrdagi 649-son qaroriga muvofiq yuzaga kelishi mumkin bo‘lgan favqulodda vaziyatlarning oldini olish, yong‘in xavfsizligi qoidalariga qat’iy rioya qilish, ishchi-xodimlar va obyektlarning xavfsizligini ta’minlash borasida batafsil tushuntirishlar berildi.

Suhbat davomida yong‘in xavfsizligi bo‘yicha amaliy tavsiyalar, ogohlantirish choralari hamda favqulodda vaziyatlarda to‘g‘ri harakat qilish tartiblari xodimlarga yetkazildi. Tadbir yakunida ishtirokchilar mavzu yuzasidan o‘zlarini qiziqtirgan savollarga javob oldilar. 

‖ Facebook ‖ Instagram ‖ YouTube ‖ 

«O‘zbekiston MET» AJ Axborot xizmati 

http://t.me/uzmetaxborotxizmati

❗️ «SURXONDARYO MAGISTRAL ELEKTR TARMOQLARI» FILIALI kanaliga obuna bo’ling!

http://t.me/SurxondaryoMET_Axborot