Bugun, 10-sentabr kuni Oʻzbekiston Respublikasi Energetika vazirligida Oʻzbekiston Respublikasi Energetika vaziri Joʻrabek Mirzamahmudov bilan Rossiya Federatsiyasining Energetika vaziri Sergey Sivilyov oʻrtasida hamkorlik koʻlamini kengaytirish masalalariga bagʻishlangan uchrashuv boʻlib oʻtdi.

Unda ikki mamlakat oʻrtasidagi har tomonlama manfaatli hamkorlikni yanada kuchaytirish, yoqilgʻi-energetika kompleksiga investitsiyalarni jalb qilish hamda yangi loyihalarni hayotga tatbiq etish singari bir qator muhim masalalar muhokama qilindi. Oʻzbekiston Respublikasi va Rossiya Federatsiyasi oʻrtasida energetika aloqalarini izchil mustahkamlash borasida takliflar bildirildi.

Shuningdek, vazirlar ikki tomonlama hamkorlikni rivojlantirish maqsadida qulay shart-sharoitlarni yaratish va zamonaviy texnologiyalarni oʻzaro ayirboshlash haqida ham fikr almashdilar.

Uchrashuv yakunida mazkur muloqot ikki mamlakatning energetika sohasidagi hamkorligini yanada rivojlantirishga xizmat qilishi taʼkidlandi.

Manba: https://t.me/minenergy_uz/12890

«O‘zbekiston MET» AJ Axborot xizmati

http://t.me/uzmetaxborotxizmati