Maʼnaviy yetuk, komil insonni tarbiyalashda muzeylarning o‘rni nihoyatda beqiyos. Zero, muzeylarda saqlanayotgan tarixiy ashyolar, nodir qo‘lyozmalar, hujjatlar avlodlarga tarixdan, ajdodlarimiz hayoti, yuksak maʼnaviyatidan hikoya qiladi.

Bu esa yoshlar qalbida ota-bobolarimiz qoldirgan merosga hurmat, eʼzoz va muhabbat tuyg‘usini uyg‘otish bilan birga, ularda shu aziz Vatanga munosib farzand bo‘lish tuyg‘usini ham shakllantiradi.

Ayni shu jihatlarni eʼtiborga olgan holda “Toshkent shahar magistral elektr tarmoqlari” filialining kasaba uyushmasi qo‘mitasi tomonidan “Moziyga sayohat” dasturi doirasida hamda O‘zbekiston Respublikasining 33-yilligini munosib, ko‘taringi ruhda kutib olish maqsadida tizimida faoliyat yuritayotgan hodimlarning poytaxtimizdagi Temuriylar tarixi davlat muzeyiga tashrifi tashkil etildi.

 – O‘zlikni anglash tarixni anglashdan boshlanadi. Jonajon O‘zbekistonimiz buyuk tarix va ulug‘ ajdodlarimiz makonidir. Xodimlarimizni, yoshlarimizni o‘tmishdan va uning saboqlaridan xabardor qilish esa bugungi kunning muhim vazifalardan biridir.

Taʼkidlash joizki, bu kabi ekskursiyalar yosh xodimlar va yosh avlodga maʼnaviy ozuqa berish hamda ularda vatanga muhabbat, ajdodlarga, tariximzga bo‘lgan faxr tuyg‘ularini oshirishda muhim ahamiyatga ega.

«O‘zbekiston MET» AJ Axborot xizmati

http://t.me/uzmetaxborotxizmati