Yaponiya mamlakat fuqarolari va kompaniyalariga elektr energiyasini tejash bo‘yicha murojaatlarni kuchaytirmoqda. Bu haqda Bloomberg xabar berdi. 

Bu choralar yozgi energiya ta’minotidagi uzilish va iyena kursining pasayishi fonida yonilg‘i importi narxining oshishi bilan bog‘liq. 

Yaponiya Savdo vazirligi ma’lumotlariga ko‘ra, Bosh vazir Fumio Kisida hukumati kelgusi oylarda va qishda qattiq ta’minotga tayyorgarlik ko‘rayotgan elektr energiyasi istiqbollarini muhokama qilishga bag‘ishlangan besh yil ichida birinchi milliy yig‘ilishni o‘tkazdi.

Bu yoz va kelgusi qishda elektr ta’minoti juda qiyin bo‘ladi. Uy xo‘jaliklari va korxonalar foydalanilmayotgan xonalar va koridorlardagi chiroqlarni o‘chirishi va muzlatgichning haroratini pasaytirishi kerak, — dedi Vazirlar mahkamasi bosh kotibi Xirokazu Matsuno. 

O‘tgan oy Tokio aholisidan kuniga bir soat kamroq televizor ko‘rish yoki hojatxona o‘rindiqlarida isitgich funksiyalarini o‘chirish kabi choralar ko‘rish orqali elektr energiyasi iste’molini kamaytirish so‘ralgan.

7-may kungi yig‘ilish hujjatlariga ko‘ra, bo‘sh turgan issiqlik elektr stansiyalarini qayta ishga tushirish va tarmoq operatorlariga oxirgi chora sifatida rejalashtirilgan uzilishlarni muammosiz boshlashga yordam berish uchun tayyorgarlik ko‘rilmoqda. 

Rasmiylar uy xo‘jaliklari o‘rtasida energiya tejash choralarini targ‘ib qilish bo‘yicha sa’y-harakatlarni kengaytirmoqda.

Hukumat xorijdan yoqilg‘i, xususan, suyultirilgan gazni xarid qilishda ishtirok etishni kuchaytiradi.

Butun dunyo bo‘ylab elektr tarmoqlari joriy yozda pandemiyadan keyingi talabning kuchayishi, ko‘plab mintaqalarda haroratning oshishi va Ukrainadagi urush oqibatida gaz va ko‘mir bozorlaridagi uzilishlar tufayli yoqilg‘i narxi oshishi bilan kuchli bosim ostida qolgan. 

Ayniqsa Yaponiya qattiq global bozorga duchor bo‘lmoqda, chunki u juda ko‘p yoqilg‘i importiga tayanadi.

Shimoliy va sharqiy Yaponiyada ham iyun va avgust oylarida haroratning me’yordan yuqori bo‘lishi ehtimoli 50 foizga yetadi.

Yanvar va fevral oylarida Tokioda holat salbiy bo‘lishi kutilmoqda, bu esa elektr tokining uzilishiga olib keladi.

Avvalroq Yaponiyada inflyatsiya rekord darajaga yetgani haqida xabar berilgan edi.

Manba: https://daryo.uz/