O'zbekiston energetika sohasining faxriy xodimi Dmitriy Ivanovich Kulbatskiy vafot etgani munosabati bilan "O‘zbekiston milliy elektr tarmoqlari" aksiyadorlik jamiyati jamoasi Dmitriy Ivanovichning oila a'zolari hamda yaqinlaroga chuqur ta'ziya izhor etadi.

Dmitriy Ivanovich Kulbatskiy 1940-yilda O‘zbekistonda tug‘ilgan, 1962-yilda Toshkent politexnika institutini muhandis-elektrik mutaxassisligi bo‘yicha tamomlagan. 1962-yildan Oʻrta Osiyoning “Sredazenergosetproekt” filialida muhandis, katta muhandis, loyiha bosh muhandisi, bosh mutaxassis, Filial bosh muhandisi oʻrinbosari, Aksiyadorlik jamiyati direktori, “Sredazenergosetproekt” aksiyadorlik jamiyati boshqaruvi raisi lavozimlarida faoliyat yuritgan.

U 2016-yil 18-martdan shu kunga qadar “Sredazenergosetproekt” aksiyadorlik jamiyati bosh direktori lavozimida ishlab kelgan. Faoliyati davomida u o‘zini yuqori malakali mutaxassis, prinsipial va bilimdon rahbar sifatida namoyon etib, malakasini muntazam oshirib boradi.

 Dmitriy Ivanovich O‘zbekiston Respublikasi energetika tizimida bir qator yirik obyektlarni loyihalashda faol ishtirok etadi, rele himoyasi va avtomatlashtirishning yangi turlarini yaratishda ishtirok etgan mutaxassis hisoblanadi.

U O‘zbekiston energetika tizimidagi benuqson mehnati uchun “O‘zbekenergo” AJning bir necha bor Faxriy yorliqlari bilan taqdirlangan, “O‘zbekiston energetika sohasi faxriysi” hisoblanadi.

«O‘zbekiston MET» AJ Axborot xizmati

t.me/uzmetaxborotxizmati