Сурхондарё вилояти Шеробод туманида умумий қуввати 456,6 МВт бўлган фотоэлектр станциясини қуриш лойиҳаси бўйича маълумот.

Лойиҳани амалга ошириш учун асос:

Ўзбекистон Республикаси Президентининг 2022 йил 14 январдаги ПҚ-85 сонли “Сурхондарё вилояти Шеробод туманида қуввати 456,6 МВт бўлган фотоэлектр станцияси қурилишини ташкил этиш чора-тадбирлари тўғрисида” қарори;

Лойиҳа мақсади:

Сурхондарё вилоятининг электр энергиясига бўлган талабини қондириш;

Лойиҳанинг умумий қиймати:

Лойиҳанинг умумий қиймати 260 млн АҚШ доллари.

Лойиҳанинг амалга ошириш муддати:

2023-2024 йиллар;

Молиялаштириш:

“Abu Dhabi Future Energy Company PJSC — Masdar” (БАА)

Пудратчи ташкилот:

China Machinery Engineering Corporation (Хитой);

Лойиҳачи:

CSPDR (Хитой), Teploelektroproyekt (Ўзбекистон);

Moliyalashtirish:

Лойиҳанинг умумий маълумотлари:

• Қурилиш майдони Сурхондарё вилояти Шеробод туманида жойлашган. Лойиҳа участкаси Шеробод ва Термизни боғлайдиган М39 йўлидан 20 км ғарбда жойлашган. Шимолдан жанубга ўтувчи эски асфальт йўл билан бўлинган.

• Лойиҳанинг асосий қурилиш кўлами 632 гектар майдонда олиб борилди. Ўрнатилган электр қуввати 500 МВА, чиқиши 456.6 МВт ташкил қилди.

• Лойиҳа доирасида 889,840 дона қуёш панеллари, 8366 трекер тизимлари, 1,560 та инверторлар, 52 та 0.8/35 кВ трансформаторлар, 35/220 кВ янги подстанция (2 дона 250 МВА асосий трансформатор) ва электр станцияга туташ янги 220/110/10 кВ подстанция (2 дона 125 МВА трансформатор) ва янги подстанцияни 500 кВ кучланишли «Сурхон» подстанциясига улаш учун 2 х 50.5 км узунликдаги электр узатиш линияси қурилган.

Лойиҳанинг ҳозирги ҳолати:

• Барча қуёш панеллари, инверторлар, трансформаторлар ўрнатиб бўлинган.

• 220 кВ кучланишли подстанциядаги электр уланиш ишлари, юқори кучланиш синов ишлари, реле ҳимоя ва автоматика ишлари якунига етказилган.

• Бошқарув биноси, ЙТҚ/35 кВ бинолари қурилиши тугатилди ва ичидаги панель ва кабель монтажлари якунига етказилди.

• Лойиҳа 2024 йилнинг 31 январида тармоққа уланди ва 2024 йилнинг 6 февралидан бошлаб электр энергияси ишлаб чиқариш бошланди. Жорий йилнинг июнь ойидан лойиҳа тўлиқ қувватда ишламоқда.

Ишлаб чиқарилган электр энергияси:

2024 йилнинг 13 июлгача бўлган муддатда лойиҳа доирасида тармоққа жами 494.4 ГВ/соат миқдорида электр энергияси етказиб берилди.

«Сурхондарё магистрал электр тармоқлари» филиали

https://t.me/axborot_xizmati/39113

«Ўзбекистон МЭТ» АЖ Ахборот хизмати

https://t.me/uzmetaxborotxizmati