Surxondaryo viloyati Sherobod tumanida umumiy quvvati 456,6 MVt bo‘lgan fotoelektr stansiyasini qurish loyihasi bo‘yicha ma’lumot.

Loyihani amalga oshirish uchun asos:

O‘zbekiston Respublikasi Prezidentining 2022-yil 14-yanvardagi PQ-85 sonli “Surxondaryo viloyati Sherobod tumanida quvvati 456,6 MVt bo‘lgan fotoelektr stansiyasi qurilishini tashkil etish chora-tadbirlari to‘g‘risida” qarori;

Loyiha maqsadi:

Surxondaryo viloyatining elektr energiyasiga bo‘lgan talabini qondirish;

Loyihaning umumiy qiymati:

Loyihaning umumiy qiymati 260 mln AQSH dollari.

Loyihaning amalga oshirish muddati:

2023-2024-yillar;

 Moliyalashtirish:

“Abu Dhabi Future Energy Company PJSC — Masdar” (BAA)

Pudratchi tashkilot:

China Machinery Engineering Corporation (Xitoy);

Loyihachi:

CSPDR (Xitoy), Teploelektroproyekt (O‘zbekiston);

 Loyihaning umumiy ma’lumotlari:

• Qurilish maydoni Surxondaryo viloyati Sherobod tumanida joylashgan. Loyiha uchastkasi Sherobod va Termizni bog‘laydigan M39 yo‘lidan 20 km g‘arbda joylashgan. Shimoldan janubga o‘tuvchi eski asfalt yo‘l bilan bo‘lingan.

• Loyihaning asosiy qurilish ko‘lami 632 gektar maydonda olib borildi. O‘rnatilgan elektr quvvati 500 MVA, chiqishi 456.6 MVt tashkil qildi.

• Loyiha doirasida 889,840 dona quyosh panellari, 8366 treker tizimlari, 1,560 ta invertorlar, 52 ta 0.8/35 kV transformatorlar, 35/220 kV yangi podstansiya (2 dona 250 MVA asosiy transformator) va elektr stansiyaga tutash yangi 220/110/10 kV podstansiya (2 dona 125 MVA transformator) va yangi podstansiyani 500 kV kuchlanishli «Surxon» podstansiyasiga ulash uchun 2 x 50.5 km uzunlikdagi elektr uzatish liniyasi qurilgan.

Loyihaning hozirgi holati:

• Barcha quyosh panellari, invertorlar, transformatorlar o‘rnatib bo‘lingan.

• 220 kV kuchlanishli podstansiyadagi elektr ulanish ishlari, yuqori kuchlanish sinov ishlari, rele himoya va avtomatika ishlari yakuniga yetkazilgan.

• Boshqaruv binosi, YTQ/35 kV binolari qurilishi tugatildi va ichidagi panel va kabel montajlari yakuniga yetkazildi.

• Loyiha 2024-yilning 31-yanvarida tarmoqqa ulandi va 2024-yilning 6-fevralidan boshlab elektr energiyasi ishlab chiqarish boshlandi. Joriy yilning iyun oyidan loyiha to‘liq quvvatda ishlamoqda.

Ishlab chiqarilgan elektr energiyasi:

2024-yilning 13-iyulgacha bo‘lgan muddatda loyiha doirasida tarmoqqa jami 494.4 GV/soat miqdorida elektr energiyasi yetkazib berildi.

«Surxondaryo magistral elektr tarmoqlari» filiali

https://t.me/axborot_xizmati/39113

«O‘zbekiston MET» AJ Axborot xizmati

https://t.me/uzmetaxborotxizmati