Aziz yurtdoshlar, hurmatli hamkasblar!
  Ramazon oyi azaldan ezgulik, xayr-saxovat va mehr-muruvvat oyi sifatida yurtimiz hayotida alohida o‘rin egallab keladi. Ushbu qutlug‘ oyda ko‘psonli energetiklar ham savobli amallarga qo‘l urib, xalqimiz boshiga tushgan turli sinovlar va tabiiy ofatlar sharoitida hamjihatlik namunasini ko‘rsatgani tahsinga loyiq.

  Har qanday mashaqqat mehnat va sabr-toqat bilan yengib o‘tiladi. Mamlakatimizda elektr energiyasi ta'minoti uchun mas'ul bo‘lgan barcha hamkasblarimiz bugungi sinovlardan yanada g‘ayratli va tadbirli bo‘lib chiqishiga ishonaman.

  Muhtaram Prezidentimiz tomonidan belgilab berilgan taraqqiyot yo‘lida tashlayotgan qadamlarimiz xalqimizning farovon hayoti uchun xizmat qilmoqda. Taraqqiyotimiz bardavom bo‘lsin!

  Fursatdan foydalanib, barcha mo‘min-musulmonlarni Ramazon hayiti bilan samimiy tabriklab, ezgu tilaklaringiz ijobatini tilayman!

Hurmat bilan,
D.A.Isaqulov, «O‘zbekiston MET» AJ boshqaruv raisi
 t.me/uzmetaxborotxizmati