«Тошкент шаҳар магистрал электр тармоқлари» филиали тасарруфидаги «Зафар» подстанциясида Қўриқлаш хизмати ходимлари учун жисмоний тайёргарлик, хавфсизлик ва касбий малака йўналишидаги ўқув машғулотлари ўтказилди. Тадбир давомида ходимлар жисмоний тайёргарлик ҳамда касбий маҳорати синов кўригидан ўтказилди ва тегишли меъёрий ҳужжатлар талабига мувофиқ тайёргарлик даражаси кўрсаткичлари баҳоланди.

⚡️ Тадбирда Филиал директори А.Ғ.Расулов, касаба уюшмаси бошланғич ташкилоти раиси Н. Хўжамқулиева, Хавфсизлик ва махсус ишлар гуруҳи раҳбари М.М.Тўйчиев ҳамда бошқа масъул ходимлар Қўриқлаш хизмати ходимларига иш жараёнида учрайдиган турли вазиятларда муаммолар ечим топиш бўйича тавсиялар беришди. Маҳорат дарслари ҳамда савол-жавоб мулоқотидан сўнг уларнинг билим-малакасини оширишга доир ёзма, оғзаки ҳамда жисмоний синов машғулотлари мусобақа тарзида ўтказилди.

Тадбирда фаол иштирок этган ходимлар қимматбаҳо эсдалик совғалари билан тақдирланди. Ғолиблар қуйидаги йўналишлар бўйича эътироф этилди:

♦ Энг яхши қоровулхона – «ЗАФАР» подстанцияси;
♦ Энг яхши билим-малакага эга қўриқчи – «ҚЎЙЛИҚ»  подстанциясида қўриқчиси Ш.Товбаев;
♦ Энг яхши жисмоний тайёргарликка эга қўриқчи – «УЧҚУН» спорт комплекси қўриқчиси Ш. Холбоев.

Тадбир иштирокчиларининг эътироф этишича, бундай ўқув-машғулотлар ходимларнинг касбий кўникмаларини такомиллаштириш ва хизмат сифатини юқори савияга кўтаришга хизмат қилади.

✍️ «Тошкент шаҳар магистрал электр тармоқлари» филиали Ёшлар Иттифоқи бошланғич ташкилоти аъзолари

‖ Facebook ‖ Instagram ‖ YouTube ‖

«Ўзбекистон МЭТ» АЖ Ахборот хизмати

http://t.me/uzmetaxborotxizmati