Hukumatning 2025-yil 24-oktabrdagi “Energiya servis xizmatlari bozorini shakllantirish hamda aholi uy-joylarining energiya samaradorligi oshirilishini rag‘batlantirish chora-tadbirlari to‘g‘risida”gi 673-sonli qaroriga asosan:

uy-joylarni energiya auditidan o‘tkazish xarajatlari 100% miqdorda; 

quyosh panellari, geliokollektorlar, maishiy isitish qozonlari va boshqa energiya tejovchi qurilmalar uchun xarajatlarning 20% qismi; 

issiqlik nasoslari xarid qilish va o‘rnatish xarajatlarining 40% qismi Energiya samaradorligi milliy agentligi tomonidan to‘lab berilishi belgilangan. 

O‘tgan davrda subsidiya asosida energiya samarador qurilmalarni xarid qilish va o‘rnatish bo‘yicha Platforma orqali 131 ta so‘rov kelib tushgan, shundan 116 ta xonadon energiya auditdan o‘tkazildi. 14 ta xonadonga quyosh panellari, geliokollektorlar o‘rnatish uchun subsidiya ajratildi. Ajratilgan subsidiya qiymati 159,6 mln so‘mga teng. 

Bundan tashqari, “yashil taʼmir” (quyosh panellari, geliokollektorlar va issiqlik nasoslari (havo, suv va geotermal) o‘rnatish, devor va tomni izolyatsiya qilish, deraza va eshiklarning issiqlik yo‘qotishlari va o‘tkazuvchanligini kamaytiruvchi turlariga almashtirish hamda o‘rnatilgan qozon va havo sovitish-isitish) va “yashil” isteʼmol kreditlari bo‘yicha foiz stavkasining 19 foizdan oshgan qismi (biroq 4 foizdan ko‘p bo‘lmagan miqdorda) Energiya samaradorligini rag‘batlantirish va qo‘llab-quvvatlash jamg‘armasi mablag‘lari hisobidan qoplab beriladi. 

▶️  Batafsil   

‖ Facebook ‖ Instagram ‖ YouTube ‖ 

«O‘zbekiston MET» AJ Axborot xizmati 

http://t.me/uzmetaxborotxizmati