“Davlat ishtirokidagi xo‘jalik jamiyatlari hamda davlat unitar korxonalari to‘g‘risidagi maʼlumotlarni oshkor etish tizimini takomillashtirish chora-tadbirlari to‘g‘risida” Hukumat qarori (2020-yil 30-oktabrdagi 674-son) qabul qilindi.

  Batafsil: http://uzbekistonmet.uz/oz/lists/view/33

  ►Qarorga ko‘ra, vazirlik va idoralarning rasmiy veb-saytlarida mulkdor funksiyalari amalga oshirilayotgan davlat ulushi 50 foiz va undan ortiq bo‘lgan xo‘jalik jamiyatlari va davlat unitar korxonalarining quyidagi maʼlumotlari joylashtiriladi:

• ustav fondi;

• davlat ulushi;

• har chorak va yil yakunlari bo‘yicha buxgalteriya balansi va moliyaviy natijalari;

• ishlab chiqarish ko‘rsatkichlari;

• ish o‘rinlari soni;

• korxonalar boshqaruv va nazorat organlari tarkibi.

  ►2021-yil 1-yanvardan davlat ishtirokidagi korxonalarning rasmiy veb-saytida iqtisodiy, moliyaviy va boshqa statistik muʼlumotlar, shu jumladan, har chorakda yillik biznes-rejaning bajarilishi to‘g‘risidagi hisobot joylashtiriladi.

✅ Davlat ishtirokidagi korxonalar quyidagi maʼlumotlarni har chorak yakunlari bo‘yicha Davlat aktivlarini boshqarish agentligining maxsus axborot tizimida joylashtirib boradi:

 ⇒ biznes-reja ko‘rsatkichlari bajarilishi;

 ⇒ ishlab chiqarish quvvatlaridan foydalanish;

 ⇒ soliq va davlat maqsadli jamg‘armalariga to‘lovlar;

 ⇒ tashqi qarzdorlik;

 ⇒ mahalliylashtirish va investitsiya loyihalari bajarilishi to‘g‘risidagi maʼlumotlar.

Manba: https://t.me/huquqiyaxborot_lotin

"O'zbekiston MET" AJ axborot xizmati
t.me/uzmetaxborotxizmati